గర్భసంచి తొలగింపు (హిస్టరెక్టమీ)
Hysterectomy
ఇవి ఉంటే వేచి ఉండకండి, వెంటనే రండి: ఆగని రక్తస్రావం, తల తిరగడం, స్పృహ తప్పినట్టు ఉండటం
ఫైబ్రాయిడ్లు, ఆగని రక్తస్రావం, గర్భసంచి జారడం – మందులతో తగ్గకపోతే
ఎలా చేస్తారు
గర్భసంచిని తొలగిస్తారు – పొట్ట ద్వారా లేదా కిందినుంచి, సమస్యను బట్టి. అండాశయాలు తీయాలా వద్దా అనేది వయసు, కారణాన్ని బట్టి డాక్టర్ చెబుతారు.
దీన్నే ఇలా కూడా అంటారు: గర్భసంచి తీయాలి · నెలసరిలో ఎక్కువ రక్తస్రావం · కడుపు నొప్పి ఆగట్లేదు
ఇప్పుడు నడుస్తున్న ఆఫర్
సర్జరీ ఛార్జీలు & జనరల్ రూమ్ ఛార్జీలు ఉచితం. మీరు చెల్లించేది టెస్టులు, అనస్థీషియా, మందులు మాత్రమే. డాక్టర్ పరీక్ష చేశాక కచ్చితంగా చెబుతారు.
ఆపరేషన్ ముందు, తర్వాత
ఇవి ఈ రకమైన ఆపరేషన్కి సాధారణంగా చెప్పే సూచనలు. మీ ఆపరేషన్ చేసిన డాక్టర్ మీకు చెప్పినవే చివరివి – ఏదైనా తేడా ఉంటే ఆయన మాటే పాటించండి.
ముందు ఏం చేయాలి
- ·స్కాన్, రక్త పరీక్ష రిపోర్టులు తీసుకురండి
- ·ఆపరేషన్ ముందు రాత్రి 10 తర్వాత ఏమీ తినకూడదు, తాగకూడదు
- ·నెలసరి మొదలైతే చెప్పండి; గర్భం ఉండే అవకాశం ఉంటే తప్పకుండా చెప్పండి
- ·రక్తం పలచబడే మందులు వాడుతుంటే ముందే చెప్పండి
తర్వాత ఏం చేయాలి
- ·డాక్టర్ రాసిన ఐరన్, కాల్షియం మందులు పూర్తిగా వాడండి
- ·ఇంట్లో మెల్లగా నడవండి – పూర్తి విశ్రాంతి కాదు, పూర్తి పని కాదు
- ·శానిటరీ ప్యాడ్లే వాడండి
- ·చెప్పిన రోజు చెక్అప్కి, రిపోర్ట్ కోసం తప్పకుండా రండి
ఏం చేయకూడదు
- ·బరువులు ఎత్తడం, బిందెలు మోయడం – ఆరు వారాలు
- ·డాక్టర్ సరే అనేవరకు శృంగారం
- ·టాంపాన్లు వాడడం, లోపల కడగడం
- ·పొలం పని, ఎక్కువ సేపు నిలబడి చేసే పని
ఇవి ఉంటే వెంటనే తిరిగి రండి
- ·గంటలో ఒక ప్యాడ్ తడిసేంత రక్తస్రావం
- ·జ్వరం, చలి
- ·వాసనతో కూడిన స్రావం
- ·తీవ్రమైన కడుపు నొప్పి, స్పృహ తప్పినట్టు ఉండటం
ఏ సమయంలోనైనా – అత్యవసర సేవలు 24/7 · 9346113364
ఈ ఆపరేషన్ గైనకాలజిస్ట్ చేస్తారు. ఎవరు చేస్తారో, ఎప్పుడు అనేది కన్సల్టేషన్లో చెబుతారు – ముందు ఒకసారి చూపించుకోండి, పరీక్ష తర్వాత డాక్టర్ కచ్చితంగా చెబుతారు.