ఛార్జీలు
ఇక్కడ ఏ సేవకు ఎంత ఛార్జ్ చేస్తామో ముందే తెలిసి రావడానికి. మీకు ఏ టెస్టులు, ఏ చికిత్స అవసరమో డాక్టర్ పరీక్ష తర్వాత నిర్ణయిస్తారు – మీ బిల్లు ఎంత అవుతుందో అడ్మిషన్ ముందే చెబుతారు.
కన్సల్టేషన్, టెస్టులు
కన్సల్టేషన్ ఫీజు – ప్రస్తుతం వసూలు చేయడం లేదు
| పరీక్ష | ఛార్జ్ |
|---|---|
| CBC (రక్త పరీక్ష) | ₹300 |
| షుగర్ (RBS/FBS) | ₹60 |
| X-ray | ₹500 |
| USG అబ్డామెన్ (స్కాన్) | ₹1,200 |
| ECG | ₹200 |
ఇవి ఇప్పుడు వసూలు చేస్తున్న ఛార్జీలు. మీకు ఏ టెస్టులు అవసరమో డాక్టర్ పరీక్ష తర్వాత నిర్ణయిస్తారు. ఈ జాబితాలో లేని టెస్ట్‌కి ఎంత అవుతుందో 9346113364 కి ఫోన్ చేసి అడగవచ్చు.
ఆపరేషన్ ఛార్జీలు
ఛార్జ్ చేయనివి
ఈ హాస్పిటల్‌లో చేసే జనరల్, ఆర్థోపెడిక్, ENT ఆపరేషన్లకు సర్జన్ ఫీజు, జనరల్ రూమ్ ఛార్జీ – ప్రస్తుతం వసూలు చేయడం లేదు
గైనిక్ (స్త్రీల) ఆపరేషన్లకు ఎంత అవుతుందో, ఏ రోజు ఎవరు ఉంటారో ఫోన్ చేసి అడగండి.
మీరు చెల్లించేవి
- ఆపరేషన్ ముందు చేసే టెస్టులు
- అనస్థీషియా (మత్తు మందు)
- మందులు, కట్టు సామాను
ఎముకల ఆపరేషన్లకు ఇంప్లాంట్ (ప్లేటు, రాడ్, స్క్రూలు) ఛార్జీ అదనం – డా. గౌతమ్ పరీక్ష చేశాక కచ్చితమైన మొత్తం చెబుతారు
ఒక రోజు ఆపరేషన్ – మొత్తం ఎంత అవుతుంది
- ఆపరేషన్ ముందు టెస్టులు₹500 – ₹1,500
- అనస్థీషియా (మత్తు మందు)₹5,000 – ₹6,000
- మందులు₹3,000 – ₹5,000
పైల్స్, హెర్నియా, హైడ్రోసీల్ వంటి ఒక రోజు / రెండు రోజుల ఆపరేషన్ చేయించుకున్న వారికి మొత్తం సుమారు ₹8,000–12,000 అవుతోంది – ఇది మా సొంత బిల్లుల నుంచి కొలిచిన మొత్తం, ఊహ కాదు.
పెద్ద ఆపరేషన్ అయితే, ఎక్కువ రోజులు ఉండాల్సి వస్తే, లేదా ఎముకల ఆపరేషన్‌కి ఇంప్లాంట్ అవసరమైతే మొత్తం మారుతుంది. మీ ఆపరేషన్‌కి ఎంతవుతుందో డాక్టర్ పరీక్ష చేశాక, అడ్మిషన్ ముందే చెబుతారు.
జనరల్ రూమ్ – ఛార్జీ లేదు; స్పెషల్ రూమ్ కావాలంటే రోజుకు ₹1,500
ఒక మాట – ఇది ఆపరేషన్
ఏ ఆపరేషన్‌కైనా మత్తు, రక్తస్రావం, ఇన్ఫెక్షన్, గాయం ఆలస్యంగా మానడం వంటి సమస్యలు రావచ్చు; కొందరికి మళ్ళీ చేయాల్సి రావచ్చు. మీకు ఆపరేషన్ అవసరమా, మీ షుగర్, బి.పి., గుండె పరిస్థితితో ఇది సరిపోతుందా అన్నది పరీక్ష, టెస్టుల తర్వాతే డాక్టర్ నిర్ణయిస్తారు. సమ్మతి పత్రం తీసుకునే ముందు మీ ఆపరేషన్‌కి ఉన్న ప్రమాదాలను ఆయన విడిగా వివరిస్తారు – అడగడానికి సంకోచించకండి.
ఫుల్ బాడీ చెకప్ – ₹999
₹999 కి ఇవి వస్తాయి:
- రక్త పరీక్షలు – CBC, షుగర్, కొలెస్ట్రాల్
- కిడ్నీ, లివర్, థైరాయిడ్ పరీక్షలు
- ECG, 2D ఎకో
- డాక్టర్ కన్సల్టేషన్ – రిపోర్ట్ చూసి చెబుతారు
ఉదయం 6 గంటల నుంచి రావచ్చు. ల్యాబ్ రిపోర్టులు సుమారు 3 గంటల్లో వస్తాయి; ECG, 2D ఎకోతో సహా అన్ని రిపోర్టులూ పూర్తి కావడానికి సుమారు 5 గంటలు – అన్నీ ఆ రోజే. అన్నీ వచ్చాక డాక్టర్ కన్సల్టేషన్ ఏర్పాటు చేస్తాం, డాక్టర్ మీ రిపోర్టులు ఒక్కొక్కటి పూర్తిగా వివరిస్తారు.
పరీక్షలకు ఖాళీ కడుపుతో రావాలి – ముందు రోజు రాత్రి భోజనం తర్వాత ఏమీ తినకూడదు, ఉదయం నీళ్ళు మాత్రం తాగొచ్చు. అందుకే ఉదయం స్లాట్ మంచిది; రక్తం తీశాక టిఫిన్ చేయొచ్చు.
ఎవరికి: 40 ఏళ్ళు దాటినవాళ్ళు, షుగర్/బీపీ ఉన్నవాళ్ళు, ఇంట్లో గుండె లేదా షుగర్ జబ్బులు ఉన్నవాళ్ళు, ఎప్పుడూ నీరసంగా ఉంటున్నవాళ్ళు – సంవత్సరానికి ఒకసారి చేయించుకోవడం మంచిది.
అంబులెన్స్
ఊరు ఊరికి ఛార్జీలు, కనీస ఛార్జ్, రాత్రి వేళ అదనం – అన్నీ అంబులెన్స్ పేజీలో ఉన్నాయి.
ఇవి ఇక్కడ చేయరు
ఈ హాస్పిటల్‌లో చేయనివి: గుండె ఆపరేషన్లు (బైపాస్, స్టెంట్, యాంజియోప్లాస్టీ, గుండె రంధ్రం / వాల్వ్), క్యాన్సర్ ఆపరేషన్లు, బ్రెయిన్ / న్యూరో ఆపరేషన్లు, కిడ్నీ మార్పిడి & డయాలసిస్. వీటికి పరీక్ష, ECG / 2D ఎకో, ల్యాబ్ ఇక్కడే చేసి, పెద్ద సెంటర్‌కు రిఫర్ చేస్తారు; ఆరోగ్యశ్రీ కార్డు ఉంటే అక్కడ ఖర్చు తగ్గే అవకాశం ఉంది.
మీ ఖర్చు ఎలా తెలుస్తుంది
- డాక్టర్ గారిని ఒకసారి కలవండి – అపాయింట్‌మెంట్ వెబ్‌సైట్‌లో, WhatsApp లో లేదా ఫోన్‌లో.
- పరీక్ష, అవసరమైన టెస్టుల తర్వాత చికిత్స లేదా ఆపరేషన్ అవసరమా కాదా అన్నది డాక్టర్ చెబుతారు.
- అవసరమైతే – ఎంత అవుతుందో, ఎన్ని రోజులు ఉండాలో అడ్మిషన్ ముందే చెబుతారు.